ⓘ Յունաստան, պաշտօնապէս Յունաստանի Հանրապետութիւն ․ կը գտնուի Եւրոպայի հարաւ-արեւելքը, Պալքանեան թերակղզիին հարաւի ծայրամասը։ Մայրաքաղաքը եւ մեծագոյն քաղաքը Աթէնք ..

Զբօսաշրջիկութիւնը Յունաստանի մէջ

Յունաստան, պետութիւնը Հարաւային Եւրոպայի մէջ կը գտնուի: Հիւսիսէն սահմանակից է Ալպանիային, Մաքետոնիային եւ Պուլկարիային, իսկ արեւելքէն՝ Թուրքիային։ Յունաստանի արեւելքը կը գտնուի Էժէյան ծովը, արեւմուտքէն՝ Յոնիական ծովը, իսկ հարավէն՝ Միջերկրական ծովը։ Յունաստանը ըստ ջրափնեայ գիծի երկարութեան 13.676 քմ 11-րդն է աշխարհի մէջ։ Ունի հսկայական թիւով կղզիներ մոտ 1․400, որոնցմէ 227-ը բնակեցուած են, որոնցմէ են՝ Քրեթէն, Տոտեքանէսը եւ Հոնիական կղզիները։ Յունաստանի տարածքին 80%-ը լեռնոտ է։ Լեռներէն ամենաբարձրը Օլիմփոսն է 2917 մ։

Գրիգորիեան Օրացոյց

Գրիգորիեան օրացոյց ՝ միջազգայնօրէն ամենալայն կիրառութեան օրացոյց է Կոչուած է Գրիգորիոս XIII պապի անունով ով անիկա մտցրած է Հոկտեմբեր 1582-ին: Անիկա ճշգրտած է Յուլիեան օրացոյցը, որը կը պարունակեր օրացուցային տարուայ 0.002% անճշտութիւն:

Քնարերգական Սեռ

Քնարերգական սեռին մէջ կը մտնեն հետեւեալ տեսակներ. Փարոտիան յուն. parodia –ծաղրանմանութիւն կրնայ հանդիպիլ ե՛ւ քնարերգութեան, ե՛ւ արձակի մէջ։ Օգտագործելով այլ հեղինակի ստեղծագործութեան գեղարուեստական ձեւերը տաղաչափութիւն, լեզուական տարրեր՝անոր արտայայտած գաղափարին ճիշդ հակառակ գաղափար կ’արծարծէ, չափազանցուած ձեւով՝ ընդգծելով անոր թերութիւնները։ Օրինակ՝ Յովհ. Յովհաննիսեանի "Իմ հայրենիքը տեսե՞լ ես, ասա՛" քերթուածին Յովհ. Թումանեանը պատասխանած է իր "Պարոտիա" քերթուածով, ուր կրկնելով անոր համարներու առաջին երկտողերը, յաջորդող երկտողերու մէջ անոր խիստ հակասող պատկերներ կու տայ՝

                                     

ⓘ Յունաստան

Յունաստան, պաշտօնապէս Յունաստանի Հանրապետութիւն ․ կը գտնուի Եւրոպայի հարաւ-արեւելքը, Պալքանեան թերակղզիին հարաւի ծայրամասը։

Մայրաքաղաքը եւ մեծագոյն քաղաքը Աթէնքն է։

Յունաստանի բնակչութեան թիւը 10 760 421 մարդ 2017 ։ Հիւսիսէն սահմանակից է Ալպանիոյ, Հիւսիսային Մակետոնիոյ Հանրապետութեան, եւ Պուլկարիոյ, իսկ արեւելքէն՝ Թուրքիոյ։

                                     

1. Ընդհանուր տեղեկութիւններ

Յունաստանը հարուստ պատմական ժառանգութիւն ունի․ ԵՈՒՆԵՍՔՕ-ի Համաշխարհային Ժառանգութեան Ցանկին մէջ աշխարհի 13-րդն է, իսկ 7-րդը՝ Եւրոպայի մէջ, եւ կը ներկայացուի իր տարածքին մէջ գտնուող 18 յուշարձաններով։ Հին Յունաստանին մէջ ծնան ժողովրդավարութիւնը, Ողիմպիական խաղերըը,։

Յունաստանը արեւմտեան քաղաքակրթութեան բնօրրանն է։

1830 թուականին կը ճանչցուի իբրեւ անկախ պետութիւն, անկախութեան համար ապստամբութիւն-պատերազմէն սկիզբ՝ 1821 թուական ետք։ 1981 թուականէն Յունաստանը Եւրոպական միութեան, իսկ 2001-էն Եւրոպական Միութեան դրամանիշ Եւրոյի գօտիի անդամ է։ 1952 թուականէն ՆԱԹՕ-ի Հիւսիս Ադլանտեան Կազմակերպութիւն կամ՝ Դաշնակցութիւն անդամ է եւ ՄԱԿ-ի հիմնադիր անդամներէն 1945։

Միջերկրական ծովուն վրայ ծովեզրեր ունի։ Շրջապատուած է հետեւեալ ծովերէն․ արեւելքէն եւ հարաւ արեւելքէն՝ Եգէական ծով, արեւմուտքէն եւ հարաւ-արեւմուտքէն՝ Յոնիական ծով, իսկ հարաւէն՝ Լիպիոյ ծով։

Յունաստանը լեռնային երկիր է։ Լեռներն ու լեռնաշղթաները անոր տարածքին 80%-կը գրաւեն։ Լեռներէն ամենաբարձրը Ողիմպոսն է 2917 մ. Όλυμπος, յունական դիցաբանութեան՝ 12 աստուածներուն նստավայրը։

                                     

1.1. Ընդհանուր տեղեկութիւններ Անուանում

Ք․Ա․ 8-րդ դարուն, յոյները կը կազմակերպուին հիմնելով անկախ քաղաք-պետութիւններ, ծանօթ իբր՝ πόλεις πόλη = քաղաք։ Այս քաղաք պետութիւնները կը տարածուին բացի ներկայ Յունաստանի տարածքին, նաեւ Միջերկրական Ծովուն Սեւ Ծովուն ափերուն, կապ պահելով իրենց "մայր" քաղաքներուն հետ։ Փոքր Ասիոյ արեւմտեան ափերուն կը հիմնուին 12 զօրաւոր յունական քաղաք պետութիւններ որոնք կը կազմեն Յոնիան։ Այս անունէն հայերը երկիրը Յունաստան կ՛անուանեն․ հին ժամանակներէն հայերը յոյներուն անուանած են յոյն, ։

Իսկ յոյները իրենց երկիրը կ՛անուանեն Հելլաս Հելլատա, որ կը նշանակէ "հելլեններու երկիր" ։ Ըստ յունական առասպելներուն՝ այն ծագում առած է յոյներու առասպելական նախահօր՝ Հելլենոսի անունէն։

Հռոմէացիները հին յոյներուն անուանած են "Կրեքներ" ։ Սկիզբը այս անուանումը կը վերաբերի միայն հարաւային Իտալիոյ յունական գաղթօճախներուն, սակայն յետագային լայն տարածում կը գտնէ եւրոպական ժողովուրդներուն մօտ։ Յունաստանը լատիներէն կը կոչուի Graecia, ֆրանսերէն՝ Grèce, անգլերէն՝ Greece, գերմաներէն՝ Griechenland, ռուսերէն՝ Греция։

                                     

2. Աշխարհագրութիւն

Կլիման

Յունաստանի կլիման բարեխառն է, Միջերկրականի հիւսիսային աւազանի երկիրներուն նման։ Ձմեռները թեթեւ են, իսկ ամառները տաք ու չոր։

Լիճեր

Յունաստանի լիճերը, կը գտնուին երկրին ցամաքամասին։ Գլխաւորներն են․-

Բուն արձանագրութիւն՝ Յունաստանի լիճերուն ցանկ Κατάλογος λιμνών της Ελλάδας

                                     

2.1. Աշխարհագրութիւն Կլիման

Յունաստանի կլիման բարեխառն է, Միջերկրականի հիւսիսային աւազանի երկիրներուն նման։ Ձմեռները թեթեւ են, իսկ ամառները տաք ու չոր։

                                     

2.2. Աշխարհագրութիւն Լեռներ, լեռնաշղթաներ

Յունաստանի տարածքը գլխաւորաբար լեռնային է։ Անոր մեծ մասը չոր եւ ժայռոտ է, հետեւաբար տարածքին միայն 20.45% կը մշակուի։ Ամենաբարձր լեռներն են․-

Բուն արձանագրութիւն՝ Յունաստանի լեռներուն ցանկ

Լեռնաշղթաներն են՝ Փինտոս, Քիլքիս, Րոտոփիս, Սերրոն, Մեցովօ, Թայիղեթոս, Աթերաս Իքարիա կղզի, փոքր է եւ Քրուսիա ցած է։

                                     

2.3. Աշխարհագրութիւն Լիճեր

Յունաստանի լիճերը, կը գտնուին երկրին ցամաքամասին։ Գլխաւորներն են․-

Բուն արձանագրութիւն՝ Յունաստանի լիճերուն ցանկ Κατάλογος λιμνών της Ελλάδας



                                     

2.4. Աշխարհագրութիւն Գետեր

Յունաստանի գետերը նաւարկելի չեն։

Մեծ գետերէն մի քանին, ծով չթափած, խոնաւ տարածքներ կը կազմեն, օրինակ՝ Ալիաքմոնաս եւ Էվրոս գետերը։ Գետեր կան, ինչպէս Փինիոս, որոնք ջրանցքներու օգնութեամբ, ընթարձակ մշակելի տարածութիւններ կը ջրեն։ Իսկ շատերուն հոսքին, արուեստական լիճեր ստեղծուած են, որպէսզի ջրաելեկտրականութեան գործարանները բանին։

Բուն արձանագրութիւն՝ Յունաստանի գլխաւոր գետերուն ցանկը Κατάλογος ποταμών της Ελλάδας

                                     

2.5. Աշխարհագրութիւն Քաղաքներ

Յունաստանի բնակչութեան երկու երրորդը քաղաքային շրջաններ կ՛ապրի։ Աթէնք մայրաքաղաքէն ետք, երկրորդ գլխաւոր քաղաքը, եւ հիւսիսային Յունաստանի կեդրոնը Սելանիկն է։ Երկրին գլխաւոր եւ եւրոպային ամենաընդարձակ անցաւոր նաւահանգիստը՝ Փիրէան է։ Հետեւող տախտակին մէջ, ցանկագրուած են գլխաւոր քաղաքները նեռարեալ իրենց արուարձանները, ըստ 2011 թուականի մարդահամարին։

                                     

3.1. Պատմութիւն Յունական պատմութեան գլխաւոր ժամանակաշրջանները մինչեւ Հելլենիստական ժամանակաշրջան

Ք․Ա․ 1600 - Ք․Ա․ 1100 թուականներ՝ Պղինձի վերջին դարաշրջան ։

Ք․Ա․ 1100 - Ք․Ա․ 800 թուականներ՝ Մութ դարեր կամ՝ Երկրաչաբական Շրջան ։ Այս շրջանին համար կան ուսումնասիրուած արձանագրութիւններ, տուեալներ։

Ք․Ա․ 8-րդ դար - Ք․Ա․ 323 թուական՝ Հին Յունաստան ․ կ՛ընդգրկէ Հնագոյն Շրջանը, ք․ա․ 8-րդ դար մինչեւ 6-րդ դար եւ Դասական Շրջանը ՝ ք․ա․ 5-րդ դարասզկիբ - Մեծն Աղեքսանտրի մահը ք․ա․ 323 թուական։

Ք․Ա․ 323 թուական - Ք․Ա․ 30 թուական Աքդէոնի ծովամարտ՝ Հելլենիստական ժամանակրջան ։

Յունաստանի կամ յունական պատմութեան զարգացման վաւերագրումը, հիմնուած է գրական վկայումներու եւ հնագիտական հաստատումներու ուսումնասիրութիւններուն վրայ։։ 1974 8 Դեկտեմբերին հարցագրով, կը հաստատուի Հանրապետական Սահմանադրութիւնը եւ Յունաստանի վարչակարգը կը դառնայ Նախագահական խորհրդարանական Ժողովրդավարութիւն։ Երկիրը մինչեւ այսօր այսպէս կը կառավարուի։ 1 Յունուար, 1981-ին, Յունաստան մաս կը կազմէ Եւրոպական Միութեան եւ 2002-ին կ՛որդեգրէ Միութեան դրամը՝ Եւրօն։

Յունաստանը զարգացած երկիր կը դառնայ, բարձր հասութաբեր տնտեսութեամբ ու կենսամակարդակով։ Համաշխարհային դրամատան 2010 թ. տուեալներով, կեանքի որակը զայն կը դասէ աշխարհին 21-րդը։

Սակայն, 2010-ի կէսերուն, Յունաստանի տնտեսութիւնը կտրուկ անկում կ՛արձանագրէ իր արտաքին պարտքերուն եւ համաշխարհային տնտեսական ճգնաժամին պատճառաւ։ Մաս կազմելով Եւրօ դրամի գօտիին, չի կրնար դիմագրաւել այս տակնապը դրամը արժէքազրկելով, այսպէս կ՛ենթարկուի Համաշխարհային Դրամատան եւ Եւրոպական Միութեան խիստ հսկողութեան։ Հետեւեանքն է՝ անգործութիւն, երիտասարդներու մեծ թիւի արտագաղթ, ծանր հարկեր եւ տնտեսութեան անշարժութիւն։

2021, 25 Մարտին, Յունաստան փառահեղ կը տօնէ Օսմանեան լուծէն իր անկախութեան 200-ամեակը։ Թագավարակի պատճառով, հանդիսութիւնները կը սահմանափակուին։ Տօնակատարութիւնները, իրենց ներկայութեամբ կը պատուեն աշխարհի բոլոր կողմերէն պետական անձնաւորութիւններ՝ գահաժառանգներ, վարչապետներ, դեսպաններ, զինուորական կցորդներ, եւայլն տեսերիզ 25 Մարտ, 2021-ի տողանցքէն․ Նախագահական Պահակագունդի շքերթը։



                                     

4. Պետութիւնը

Գործող սահմանադրութիւնը ուժի մէջ մտած է 1975 Յունիս 11-ին: Յունաստանին Կառավարման վարչաձեւը Նախագահական խորհրդարանական Ժողովրդավարութիւնն է։

Պետութեան ղեկավարը նախագահն է։ Ան կընտրուի խորհրդարանին կողմէ հինգ 5 տարուան համար, անգամ մը եւս վերընտրուելու իրաւունքով։ Նախագահը երկրի օրէնսդիր եւ գործադիր իշխանութիւններուն հսկողն է, սակայն այժմ, սահմանադրութեան բարեփոխումներով, իր պաշտօնը աւելի հանդիսական կամ՝ ծիսական է։

1975-ին Սահմանադրութիւնը լայնօրէն կ՛երաշխաւորէ քաղաքացիին ազատութիւնն ու իրաւունքները, որոնք կը զօրանան 2001 թուականին սահմանադրութեան վերաքննութեամբ Խորհրդարանին կողմէն։ Այս վերաքննութեան ընթացքին, առաջին անգամ ըլլալով սահմանադրութեան մէջ կ՛արտօնագրուին հինգ անկախ իշխանութիւններ, որոնցմէ երեքը կը պաշտպանեն եւ կը պահպանեն անհատական իրաւունքները։ Յունաստան, կ՛անդամակցի նաեւ Քաղաքացիին Իրաւունքներուն Եւրոպական Դաշինքին։

Պետական եւ կազմակերչական գետնի վրայ, Սահմանադրութիւնը կը ճանչնայ երեք իշխանութիւններ․ օրէնսդիր, գործադիր եւ դատական։ Օրէնսդիր իշխանութեան մաս կը կազմեն՝ Խորհրդարանը եւ Հանրապետութեան Նահագահը։ Գործադիր իշխանութեան՝ Հանրապետութեան Նահագահը եւ Կառավարութիւնը։ Դատական իշխանութիւնը կը կատարուի դատարաններէն յոյն ժողովուրդին անունով։

Սահմանադրութեան կողմէ նախագահին լիազորութիւնները սահմմանափակ են։ Ան, միայն սահմանեալ արարողութիւններ կը կատարէ։ Վարչապետ կը նշանակէ եւ վերջինիս խորհուրդով՝ կը նշանակէ կամ ետ կը կանչէ կառավարութեան մնացեալ անդամները։ Կրնայ ցրել կառավարութիւնը՝ եթէ այն չի վայելեր խորհրդարանի վստահութիւնը։ Գրեթէ իր բոլոր գործողութիւնները պարտաւոր են ունենալ Վարչապետին ստորագրութիւնը եւ կամ Նախարարի մը, ինչպէս օրինակ՝ նախագահական հրամանագրերը։

Օրէնսդիր իշխանութիւն ը խորհրդարանը կը գործադրէ։ Անոր անդամները ընհանրական գաղտնի քուէարկութեամբ ընտրութիւններուն միջոցաւ կ՛ ընտրուին չորս տարին անգամ մը։

Մինչեւ 1877 թուականին, քուէարկելու իրաւունք կ՛ունենան 25 տարեկանը լրացնողները։ Հետագային տարիքը կ՛իջնէ 21 տարեկանին, 1981-ին՝ 18 տարեկանին, իսկ 2019-ին քուէարկելու իրաւունքի նուազագոյն տարիքը կ՛որոշուի 17-ն։

Գործադիր իշխանութիւն ը Կառավարութիւնը կը գործադրէ։ Անոր գլուխը Վարչապետն է․ յունական քաղաքական վարչաձեւին ամենահզօր անձը։ Կառավարութիւնն է որ կ՛ որոշէ, կը կիրարկէ եւ կը վարէ Խորհրդարանին կողմէն վաւերացուած Երկրին ընդհանուր քաղաքականութիւնը, սակայն միաժամանակ կը մասնակցի օրէնքներուն նախապատրաստական աշխատանքին՝ օրէնսդիր նախաձեռնութեամբ։ Կառավարութիւնը, ըստ սկզբունքի, պէտք է Խորհրդարանին վստահութիւնը ունենայ, այսիքն վստահութեան քուէ առնէ խորհրդարանի անդամներուն մեծամասնութենէն․ ինչ որ կը պատահի, քանի Կառավարութիւնը առաջ եկած է կուսակցութենէն որ Խորհրդարանին մէջ մեծամասնութիւն է։



                                     

4.1. Պետութիւնը Վարչական բաժանում

1 Յունուար, 2011-էն, Յունաստան բաժնուած է 7 Ապակեդրոն Թեմերու, 13 Շրջաններու - Մարզերու եւ 325 քաղաքներ։ Առաւել, Աղիօ Օրօսը կամ՝ Աթոս լեռը Άγιο Όρος - Սուրբ Լեռը յունական Պետութեան մէջ ինքնիշխան հատուած մըն է։

Բուն արձանագրութիւն՝ Յունաստանի վարչական բաժանումը, 2011

                                     

4.2. Պետութիւնը Ապահովութեան Մարմիններ

Յունաստանի ապահովութեան Մարմիներն են՝ Յունական Ոստիկանութիւնը, Հրշէջի Մարմինը եւ Նաւային Մարմին-Յունական Ծովափնիայ Պահակագունդը։



                                     

4.3. Պետութիւնը Զօրքը

Յունաստան կը գտնուի Պալքանեան Թերակղզիին արեւելեան ծայրամասին։ Արեւելքէն սահմանակից է դարաւոր թշնամիին՝ Թուրքիոյ։ Այս իսկ պատճառով, մեծ գումարներ կը ծախսէ երկրին պաշտպանութեան համար․ կանխելու "դրացիին" յարձակողական ախորժակները։ Յունական բանակը կը բաղկանայ՝ Ցամաքազօրքէն, Նաւատորմիղէն եւ Օդային զօրուժէն։

                                     

4.4. Պետութիւնը Միջազգային յարաբերութիւններ

Յունաստան անդամ է բազմաթիւ կազմակերպութիւններու։ Իր աշխարհագրական դիրքին պատճառաւ քաղաքական, դիւանագիտական եւ առեւտրական գետնի վրայ կ՛ունենայ մեծ առաւելութիւններ։

                                     

4.5. Պետութիւնը Գիտութիւն եւ Արուեստագիտութիւն

Յունաստանի աշխարհագրական դիրքին, ինչպէս նաեւ քաղաքական եւ տնտեսական կայունութեան պատճառաւ, բազմաթիւ մեծ միջազգային ընկերութիւններ՝ ուսումնասիրութեան եւ զարգացման տեղական կեդրոններ կը հաստատեն։

Յունաստանը ունի մեծ հնարաւորութիւններ օգտագործելու արեգակնային եւ հովային ուժը solar & wind energy։ Սակայն տակաւին լի ու լի չեն օգտագործուիր, բացի ջրաբաշխական ուժէն։

                                     

4.6. Պետութիւնը Նաւային երկիր

Յունաստանը հին ժամանակներէն նաւային երկիր եղած է։ Այսօր, Յունաստանի ծովազօրքը երկրին գլխաւոր ճարտարարուեստներէն է։

1960 թուականներուն, երկրին նաւային ուժը կը կրկնապատկուի շնորհիւ Արիստոթելիս Օնասիս եւ Սդաւրոս Նիարխոս նաւատէրերուն կատարած տնտեսական ներդրումներուն։ Անոնցմէ կ՛օրինակուին բազմաթիւ յոյն՝ հետագային, նաւատէրեր։

Ըստ BTS-ի Փոխադրութեան Վիճակագրական Գրասենեակ, յունական նաւատորմիղը աշխարհի ամենամեծն է․ 3․079 նաւերով համաշխարհային նաւատորմիղի 18% կը կազմէ ։ Նաեւ՝ ոսկիի, պղինձի եւ այլ կարեւոր մետաղներու եւ հանքաքարերու պահեստներ։

Հիւսիսային Յունաստանի Քաւալա հիւսիս արեւելեան ծովեզերեայ քաղաք - Թասոս կղզի Յունաստանի հիւսիսը, Քաւալային դիմացը շրջանէն քարիւղ կը ջրհանեն։ Այժմ, քարիւղ ջրհանելու կարելիութիւնները կը քննուին Յոնիական Ծովուն մէջ, Փաթրասի Ծոցին մէջ, Կրետէ կղզիին հարաւը։ Նաեւ կ՛ենթադրուի թէ մեծ քանակութեամբ քարիւղի պահեստ կայ Էգէական Ծովուն մէջ, սակայն դեռ անհնարին է քննուի, քանի այս ուղղութեամբ դրացի Թուրքիոյ հետ վէճեր կան։



                                     

5. Խոհանոց

Յունական խոհանոցը Միջերկրականի աւազանի խոհանոցի բնորոշ օրինակ մըն է։ Փաստուած է, թէ յունական խոհանոցը կը գերազանցէ Միջերկրականի աւազանին այլ երկիրներու խոհանոցներուն․ իր պարզութեամբ ու միաժամանակ ուտեստեղէնի տեսակի հարստութեամբ ու որակով։ Ձէթը, բանջարեղէնները, ընդեղէնները, պտուղները, չոր միրգերը, ձկնեղէնը, կանանչեղէնները եւ համեմունքը՝ շաբաթական հերթականութեամբ կօգտագործուին սննդականոնին մէջ։

Յունական խոհանոցին թագաւորը ձէթն է։ Ճաշասեղանի անբաժանելի տարրը։

Յունական խոհանոցի ուտեստեղէններ

Յոյներու հպարտութիւնն է նաեւ պանիրը։ Յունաստանին մէջ կը պատրաստուի մօտ 50 պանիրի տեսակ։ Յոյներն աշխարհին մէջ ամենաշատ պանիր օգտագործողներն են՝ իւրաքանչիւր յոյն տարեկան մօտ 25 քիլօ պանիր մը սպառէ։

Շատ տարածուած է նաեւ միսը։ Նախապատւութիւնը կը տրուի խոզի, ոչխարի եւ այծի միսին։

Ճաշատեսակները բազմաթիւ են։ Հանրածանօթ են՝ փասթիցիոն, մուսաքան, խորովածը եւ ամէն տեսակի խմորափլիթները։

                                     

6. Աղբիւրներ

  • Chrissa Paradissis, Le Meilleur Livre de cuisine grecque, Efstathiadis, coll. "grecque" no 1. Յունական Խոհանոցը ֆր.
  • Πράξεις των Αποστόλων, κεφάλαια 16, 17, 18 - κείμενο Αντωνιάδη 1904 - Առաքեալներուն արձանագրութիւններ, Անտոնիատիս - գլուխներ 16, 17, 18 - 1904
  • Spices and Seasonings:A Food Technology Handbook - Donna R. Tainter, Anthony T. Grenis, p. 223 Միջերկրականի խոհանոցը անգլերէն
  • The Religion of Greece in Prehistoric Times, στο "Sather Classical Lectures", Vol. XVII. University of California Press, Berkeley and Los Angeles - Յունաստանի Կրօնը նախնադարեան շրջաններուն
                                     

7. Արտաքին յղումներ

  • Քարիւղի համար վէճեր յուն.
  • Νέο ιστορικό ρεκόρ για τον Τουρισμό το 2018: Έσοδα 16 δισ. και 33 εκατ. διεθνείς αφίξεις / Զբօսաշրջիկներուն Յունաստան այցելութեան թիւը 2018 յուն.
  • Գաղթականութեան քաղաքականութիւն Migration policy անգլերէն
  • Από τον Α΄ Πα­γκόσμιο Πό­λε­μο εώς και σήμερα / Հայ գաղթականներ Յունաստան, Արմենիքա պարբերաթերթ յուն.
  • Յունաստանի Նախագահական Պահակագունդի տողանցքը, Անկախութեան Ազգային Տօնին առթիւ, 25-3-2019 յուն.
  • Հայ Առաքելական եկեղեցւոյ Յունահայոց Թեմ
  • Յունաստանի քարիւղի պահեստը Յոնիական Ծովէն մինչեւ Կրետէ յուն.
  • FRONTEX անգլերէն
  • Յունաստանի հանքային հարստութիւնը յուն.
  • So Many Greek Shipping Magnates … / Յունական նաւուժի ներդրումներ անգլերէն
  • 130 ΧΡΟΝΙΑ ΣΧΟΛΗ ΠΟΛΙΤΙΚΩΝ ΜΗΧΑΝΙΚΩΝ ΕΜΠ ΜΗΤΕΡΑ – ΤΡΟΦΟΣ ΤΗΣ ΕΛΛΗΝΙΚΗΣ ΤΕΧΝΟΛΟΓΙΑΣ / Յունաստանի Երթեւեկութեան ցանցը յուն.